BREAKING: P 23 million cash sa Forex nasakmit sa CIDG 13

Napalaw ang mga investors nga gilauman modawat unta ug pay-out sa investment scheme nga FoRex trading sa lungsod sa Nasipit, Agusan del Norte sa miaging adlaw human gikatahu nga gikompiska sa mga operatiba sa Criminal Investigation and Detection Group (CIDG) ang dakung kantidad sa kwarta.

Sa nadawat nga impormasyon sa RMN DXBC Butuan, mokabat sa 23 milyon pesos kapin kon kulang ang kantidad sa kwarta nga gisulod sa 9 ka mga boxes ang gitakda unta nga e-pay out sa mga nag-invest sa Forex Trading.

Gikabutyag nga gihapa-hapaan sa mga personahi sa CIDG ang pag-pay out sa Forex diin unang migawas ang report nga didto sa lungsod sa Talacogon, Agusan del Sur mahitabo ang pay-out apan napakyas kini ug didto gihimu sa Brgy. Cubi-cubi, Nasipit, Agusan del Norte.

Sa pikas bahin, daling girespondihan sa Bayugan City PNP ang tahu nga giransak ang buhatan sa Forex Trading sa gitoohang mga investors niini.
Samtang gikompirma usab sa National Bureau of Investigation (NBI- XI) nga nadakpan nila sa Surigao city ang giingong founder ug CEO sa laing investment scam ang Titan 29 Marketing nga si Ryan Maunes.
Dugtong sa maong balita…

Giklaru ni P/Col. Cholie Jun Caduyac, hepe sa Criminal Investigation and Detection Group (CIDG) Caraga nga adunay search warrant ang operatiba sa ilang pagkompiska sa balor 23 milyon pesos nga pang-pay out sa mga investors sa Forex Trading, human ilang gi-applayahan sa korte base sa kamandoan ni Pang. Rodrigo Duterte nga pasirad-an ang tanang operasyon sa investment scheme sa nasud.

continue https://web.facebook.com/RMNDXBCBUTUAN/posts/2134503436656022