Nov.17, 2015
Siargao Stakeholders meeting on Integrated Security Planning malampuson
Gipahigayon niadtong Nov.17,2015 sa Kapitolyo Nan Siargao.
Ang maong tigom gitambungan ni Gov. Sol F. Matugas, Cong. Francisco Matugas, Vice Governor Arturo Carlos Egay, Jr, PNP Regional Director PCSupt. Vert Chavez, PNP Provincial Dir. PSSupt. Acidre, Lt. Col. Arlino Sindayduego sa Phil. Army, Col. Henry Dar sa Task Force Diamond, Cmdr. Jeofry Gervo sa Phil. Coast Guard, PSSupt. Allen Ocden sa Maritime Police, Siargao mayors, DepEd, PPA, LTO, mga resort owners sa Siargao ug uban pang mga concerned stakeholders.
Tumong ug tuyo sa maong tigom mao ang pagplano mahitungod na sa pagpanalipod sa isla sa Siargao nga maoy usa sa mga tourist destination sa nasod ug maprotektahan usab ang mga langyaw nga mga bisita ug masiguradong luwas sa mga kakuyaw ang mga bisita nga modoong sa maong isla.
Naghatag ug overview sa maong kalihukan si PD Johnryl Mosquita sa DILG.
Gipresentar ni Col. Acidre ang updates sa Siargao Peace and Order Situation ug ni Lt. Col. Sindayduego ang Comprehensive Security Plan.
Ubay ubay ang mga nahisgutan sa maong tigom, kalabot na ang mga concerns sa mga tag iya sa resorts, mga stratehiya aron sa pagpalig on sa seguridad sa maong isla ug ang pagbutang ug baraks sa Phil. Army sa maong isla.
Sa maong tigom nagkahiusa ang nagkadaiyang ahensya sa pagkooperar nga magmalampuson ang maong plano alang na sa pag uswag sa ekonomiya sa maong isla pinaagi sa Turismo nga dili mahadlok ang mga bisita sa langyaw man o lokal nga mobisita sa Isla sa Siargao.
Pagkahapon gipahigayon ang Blessing ug Groundbreaking sa bag ong pagatukoron nga Siargao Convention Center sa Cabuntog, General Luna. - Roberto Parada
